Samarqand va Jomboy tuman IIBlariga yangi rahbarlar tayinlandi

Samarqand va Jomboy tuman IIBlariga yangi rahbarlar tayinlandi. Bu haqda Zarnews xabar berdi.

Samarqand tumani ichki ishlar bo‘limi boshlig‘i lavozimiga Aminjon Toshev tayinlandi. Aminjon Toshev bugunga qadar Payariq tumani ichki ishlar bo‘limi boshlig‘ining birinchi o‘rinbosari lavozimida ishlagan.

Ichki ishlar vazirligi buyrug‘i bilan Jomboy tuman ichki ishlar bo‘limi boshlig‘i lavozimiga mayor Shavmanov Salimjon Hayitboyevich tayinlandi.

Ma’lumot uchun, Salimjon Shavmanov 1984-yilda tug‘ilgan. Tizimda 2003-yildan faoliyat boshlagan. Shu kunga qadar Bulung‘ur tuman IIB boshlig‘ining birinchi o‘rinbosari lavozimida ishlab kelgan. “Jasorat” medali sohibi.