Lionel Messi Argentina terma jamoasi o‘yinlaridan 3 oyga chetlatildi

Argentinalik hujumchi Lionel Messi KONMEBOL — Janubiy Amerika futbol konfederatsiyasi tomonidan uch oyga terma jamoa o‘yinlaridan chetlatildi.

Shu tariqa Messi Argentina terma jamoasining 4 o‘yinini o‘tkazib yuboradi. U Germaniya, Chili va Meksikaga qarshi uchta o‘rtoqlik o‘yini va JCh—2022 saralashidan o‘rin olgan bitta uchrashuvda maydonga tusha olmaydi.

Shuningdek, Messi 50 ming dollar miqdorida jarima ham to‘laydi. Leo ushbu qaror yuzasidan 7 kun ichida appelyatsiya berish imkoniyatiga ega.

Eslatib o‘tamiz, Messi Kopa Amerika—2019 musobaqasi vaqtida KONMEBOLni korrupsiyada ayblagan edi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!