“Manchester Yunayted” Pogba bo’yicha “Real”ning navbatdagi taklifini rad etdi

“Real” hali ham “Manchester Yunayted” yarim himoyachisi Pol Pogbaga bo‘lgan qiziqishini so‘ndirganicha yo‘q.

The Times’ning xabar berishicha, madridliklar 26 yoshli fransuz uchun “Yunayted”ga yarim himoyachi Xames Rodriges va 27,4 million funt taklif bilan chiqdi, biroq “qizil iblislar” bu taklifni rad etdi.

“Mankunianlar” Pogba transferidan kamida 150 million funt ishlab olmoqchi.

Eslatib o‘tamiz, Pogba ortda qolgan mavsum Angliya Premyer ligasida 35 ta uchrashuvda maydonga tushib, 13 ta gol urdi hamda 9 ta golli uzatma berdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!