Bekobodda 10-sinf o‘quvchisi ikki nafar tengdoshini pichoqladi
5-avgust kuni Toshkent viloyatining Bekobod shahrida yashovchi maktab o‘quvchilari orasida janjal chiqdi. Bu haqda O‘zbekiston Respublikasi IIV jamoatchilik va OAV bilan aloqalar boshqarmasi xabar qildi.
9-sonli o‘rta maktabning 10-sinf o‘quvchisi, 16 yoshli I.A. Bekobod tumanida “Navoiy” MFY hududida o‘zaro janjal oqibatida Shova mahallasida yashovchi, 40-sonli o‘rta maktabning 10-sinf o‘quvchisi, 16 yoshli D.T.ning qorin qismiga hamda ularni ajratmoqchi bo‘lgan Bekobod shahri Beruniy ko‘chasida yashovchi, 2-sonli o‘rta maktabning 10-sinf o‘quvchisi, 15 yoshli D.A.ning yelka qismiga pichoq bilan urib jarohat yetkazgan.
Natijada D.T. va D.A.lar kasalxonaga yotqizilgan.
Holat yuzasidan jinoyat ishi qo‘zg‘atilib, I.A. ushlangan. Tergov harakatlari olib borilmoqda.
Manba: Daryo.uz