Boshqirdistonda ikki poyezdning to‘qnashuvi oqibatida 4 kishi halok bo‘ldi

Boshqirdistonning Uchali tog‘-kon kombinatida ikki yuk poyezdining to‘qnashuvi oqibatida to‘rt kishi halok bo‘ldi. Bu haqda respublika favqulodda xizmatlariga tayanib, “Gazeta.ru” xabar bermoqda.

Hodisa oqibatida besh kishi jabrlanganligi, ulardan to‘rt nafari halok bo‘lganligi, bir nafari esa shifoxonaga yotqizilganligi ma’lum qilinmoqda.

To‘qnashuv davomida dizel yoqilg‘isi yuklangan ikki sisterna relslardan chiqib ketgan, bir lokomotiv ag‘darilib ketgan.

Tergov qo‘mitasi poyezdlar to‘qnashuvi yuzasidan surishtiruv boshladi.