Qurbon hayiti munosabati bilan 11-avgust kuni bo‘lib o‘tadigan test sinovlari boshqa muddatga ko‘chirildi

Qurbon hayiti munosabati bilan 11-avgust kuni bo‘lib o‘tadigan test sinovlari boshqa muddatga ko‘chirildi. Bu haqda Davlat test markazi ma’lum qildi.

Shu kuni o‘tkaziladigan test sinovlari quyidagi muddatlarga ko‘chirilgan:

Qashqadaryo viloyatida — 12-avgust kuni;

Farg‘ona, Jizzax va Navoiy viloyatlarida — 13-avgust kuni;

Qoraqalpog‘iston Respublikasi, Andijon, Xorazm va Samarqand viloyatlarida — 14-avgust kuni;

Buxoro viloyatida — 15-avgust kuni o‘tkaziladi.

Abituriyent ruxsatnomasida ko‘rsatilgan bino va soatlar o‘zgarmaydi.