Toshkent metrosi Qurbon hayiti kuni soat nechchidan ish boshlashi ma’lum qilindi

O‘zbekistonda 11-avgust kuni Qurbon hayiti bayrami munosabati bilan Toshkent metropolitenining barcha yo‘nalishida poyezdlar harakati soat 04:30 dan boshlanadi. Bu haqda metropoliten matbuot xizmati ma’lum qildi.

Toshkentda Qurbon hayiti namozi ertalab soat 05:45 da o‘qiladi. Qolgan hududlarda hayit namozi namoz vaqtlaridagi tafovutni inobatga olgan holda ado etiladi.