“Manchester Yunayted” Romelu Lukakuni “Inter”ga sotib yubordi

“Manchester Yunayted”da faoliyat yuritgan Romelu Lukaku “Inter” a’zosiga aylandi.

Ta’kidlanishicha, “qizil iblislar” Lukaku transferidan 65 million yevro ishlab oladi. Bundan tashqari 13 million yevro bonus tariqasida “Yunayted” g‘aznasiga o‘tkazilishi mumkin.

Eslatib o‘tamiz, Romelu bir muddat avval “Manchester Yunayted” safida to‘p surishdan bosh tortib, “Anderlext”da shug‘ullanib turdi. Ingliz klubi esa uni bu orada 435 ming yevro jarimaga tortdi.

Lukaku 2018/19-yilgi mavsum “Manchester Yunayted” safida 45 ta o‘yin o‘tkazib, 15 ta gol urdi va 4 ta golli uzatmani amalga oshirgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!