O‘zbekistonlik taekvondochi Jahon chempionatida oltin medalni qo‘lga kiritdi

Toshkent mezbonligida o‘tayotgan taekvondo bo‘yicha kadetlar o‘rtasidagi Jahon chempionatida O‘zbekiston terma jamoasi ilk oltin medalni qo‘lga kiritdi. Bu haqda O‘zbekiston taekvondo WTF assotsiatsiyasi matbuot xizmati ma’lum qildi

-41 kg vazn toifasida dayanga chiqqan Zafarbek Karimov musobaqaning oltin medalini qo‘lga kiritdi. U final bahsida eronlik Amirhussayin Navro‘zini 34:14 hisobida taslim qildi.

Qayd etish joiz, bu kadetlar o‘rtasidagi Jahon chempionati tarixida O‘zbekiston terma jamoasi qo‘lga kiritgan dastlabki oltin medal bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!