Chilonzorda 25 yoshli yigit mast mahalladoshini urib, o‘ldirib qo‘ydi

Toshkentning Chilonzor-19 mavzesida yashovchi 25 yoshli G.Z. 8-avgust kuni “Xirmontepa” mahallasida o‘zaro janjal tufayli mavzedoshi, mast holda bo‘lgan 40 yoshli V.S.ning yuziga urib, jarohatlagan.

“Natijada V.S. kasalxonaga yotqizilgan hamda ko‘rsatilgan tibbiy muolajalarga qaramay 9-avgust kuni vafot etgan”, — deya xabar bermoqda IIV Jamoatchilik va OAV bilan aloqalar boshqarmasi axborotida.

Qayd etishlaricha, holat yuzasidan jinoyat ishi qo‘zg‘atilib, G.Z. ushlangan. Tergov harakatlari olib borilmoqda.