» » Samarqand viloyati hokimi Paxtachi tumanida sayyor qabul o‘tkazdi

Samarqand viloyati hokimi Paxtachi tumanida sayyor qabul o‘tkazdi


Samarqand viloyati hokimi Himmat Oqbo‘tayev Paxtachi tumanida sayyor qabul o‘tkazdi. Paxtachi tumani qishloq xo‘jalik kasb-hunar kolleji binosida bo‘lib o‘tgan muloqotda viloyat Xalq qabulxonasi mudiri Sh.Uzoqov, tuman hokimi K.Qurbonov hamda tuman tashkilotlari rahbarlari va boshqa mutasaddilar qatnashdi, deya xabar berdi viloyat hokimligi axborot xizmati.

Tumandagi “Bog‘oloni” mahallasida yashovchi Yovqoch Boynazarov o‘z murojaatida zovurlar qazilmaganligi tufayli suv ko‘tarilib, tomorqalarda ekin ekishga xalaqit berayotganini aytgan. “Amir Temur” mahallasida istiqomat qiluvchi Xoliqul Raimqulov tuman markaziga eltuvchi asosiy yo‘lning nosozligi bo‘yicha murojaat qildi.

“Qiltamg‘ali” mahallasida toza ichimlik suvi muammo. “Keshtali” mahallasida joylashgan bog‘cha binosi ta’mirtalab, sport maydonchalari yo‘q. O‘n ikki ming aholi istiqomat qilayotgan “Saroy” mahallasida ham muammolar bir talay. Mahalla hududida foydalanilmay bo‘sh yotgan binolar bor.

Tuman markazidan uzoq qishloqlarda tez yordam punktlariga ehtiyoj katta. Elektr energiyasidagi uzilishlar, simyog‘ochlarning eskirganligi, uy-joy masalasida murojaatlar qayd etildi.

Muloqotda Paxtachi aholisi uchun maishiy gaz ballonlarini ta’mirlash masalasi dolzarb muammo bo‘lib turgani ta’kidlandi. Aholi gaz ballonlarini Samarqand shahriga kelib, ta’mirlatishga majbur bo‘lmoqda.

Viloyat hokimining tumandagi sayyor qabuli chog‘ida aholining joylardagi muammolar, kamchiliklar xususidagi 30 dan ziyod murojaati, takliflari tinglanib, ularning yechimi yuzasidan vazifalar belgilandi. “Daryo”ning Telegram’dagi rasmiy kanali — @toshqindaryo’ga a’zo bo‘ling!

Опубликовано: admin (27-03-2017, 20:13)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 91) ( 0) ( 89) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют