Angrenda 2 mast yigit 40 yoshli erkakning turli joylariga urib-tepib jarohat yetkazdi

Toshkent viloyatining Angren shahridagi avtobus bekatida ikki fuqaro mast holda janjal ko‘tardi. Bu haqda IIV Jamoatchilik va OAV bilan aloqalar boshqarmasi xabar qildi.

8-avgust kuni soat 22:20 larda Toshkent viloyatining Angren shahri Qardoshlik ko‘chasida yashovchi 23 yoshli Sh.M., 26 yoshli A.T., Ozodlik ko‘chasida yashovchi 22 yoshli M.M. mast holda “Yangi hayot” mahallasi Amir Temur ko‘chasida joylashgan avtobus bekatida o‘zaro janjal oqibatida mast holda bo‘lgan Angren shahrida yashovchi 40 yoshli Q.H. tanasining turli joylariga urib-tepib jarohat yetkazgan.

Natijada Q.H. kasalxonaga yotqizilib, Sh.M., A.T. va M.M. ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.