Prezident maktablariga kira olmagan yuqori natijali o‘quvchilar imtihonsiz ixtisoslashtirilgan maktablarga qabul qilinadi

Prezident maktablarining asosiy imtihonlarida ishtirok etgan, yuqori ball yig‘ib o‘qishga qabul qilinmagan nomzodlar Respublikadagi ixtisoslashtirilgan ta’lim muassasalariga imtihonsiz qabul qilinadi. Bu haqda Xalq ta’limi vazirligi axborot xizmati xabar qiladi.

Ixtisoslashtirilgan maktablarga 5-sinf va 7-sinfga o‘tayotgan o‘quvchilar qabul qilinadi.

Ixtisoslashtirilgan maktablar va ularda o‘qishga tavsiya etiladigan o‘quvchilar ro‘yxati yaqin vaqt ichida pm.xtv.uz saytida chop etiladi.