Markaziy harbiy okrug xizmatchilari “Daryo” so‘zini jonli hosil qildi (foto+video)

Markaziy harbiy okrug harbiy xizmatchilari tomonidan “Daryo” so‘zi saf maydonida jonli tarzda yozildi. Bu haqda okrug matbuot xizmati ma’lum qildi.

— Markaziy harbiy okrug matbuot xizmati tashabbusi bilan hamda ko‘ngilli harbiy xizmatchilar ko‘magida saf maydonida “Daryo” so‘zini yozdik, — deydi Matbuot xizmati boshlig‘i vazifasini bajaruvchi kapitan G‘ayratjon Madrahimov. — Shu bilan birga Qurolli Kuchlar tarixida birinchi marotaba ushbu nashr nomi jangovar qurollardan ham yig‘ildi. “Markaziy harbiy okrug” yozuvi “MHO” so‘zi orqali ifodalandi. Mudofaa vazirligi rahbariyati tashabbusimizga e’tiroz bildirmaydi, degan umiddaman. Chunki mudofaa siyosatidagi ochiqlikni ta’minlashda, armiyani xalqqa yaqin bo‘lishida “Daryo”ning munosib hissasi bor. Nashrning barcha ijodkorlari va muxlislariga harbiylar nomidan minnatdorlik bildiramiz.