Yatsenyuk Qrimning bosib olinishi haqidagi Rossiya filmini Gaaga tribunaliga jo‘natadi

Ukraina Oliy radasi Qrimning bosib olinishi va Rossiyaning Ukraina hududidagi harbiy tajovuzi bo‘yicha tergov ishini ko‘rib chiqish uchun Gaaga tribunaliga topshirish haqidagi arizani qabul qildi. Bu haqda Ukraina bosh vaziri Arseniy Yatsenyukka tayanib, "Segodnya.ua” xabar berdi.

Shuningdek, Yatsenyuk Qrimning bosib olinishi haqidagi Rossiya filmi treylerini ham tilga oldi. U Adliya vazirligidan ushbu treylerni va keyinroq chiqadigan to‘liq filmning o‘zini ham Gaaga tribunaliga yuborishni so‘radi.

"Ushbu film Ukrainaning Qrimdagi hududini bosib olish, xalqaro huquqni buzish haqida kim buyruq bergani va buning uchun kim javobgar ekanligi haqidagi savollarga javob beradi”, — deya qo‘shib qo‘ydi bosh vazir.