AQSh Afg‘onistondagi harbiy kontingent sonini 8,6 ming kishigacha qisqartirishga tayyorligi ma’lum qilindi

AQSh prezidenti Donald Tramp “Tolibon” harakati bilan kelishuvga erishilgan taqdirda Afg‘onistondagi kontingent soni 8,6 ming kishigacha qisqarishini ma’lum qildi.

Shu bilan birga, Tramp AQSh qo‘shinlari bu mamlakatda doimo bo‘lishini bildirgan.

“Agar AQShga Afg‘oniston yo‘l qo‘yib berishi tufayli yana bir hujum uyushtiriladigan bo‘lsa, biz bu yerga misli ko‘rilmagan harbiy kuch bilan qaytamiz”, — deya ta’kidlagan Tramp.

Ma’lumot uchun, 2018-yil oxirida OAV Afg‘onistonda 14 mingdan ortiq amerikalik harbiy xizmatchi borligi va ularning sonini ikki barobar qisqartirish rejalashtirilgani haqida xabar qilgandi.