Olimlar: mushuklarga ovqatdan ko‘ra insonlar bilan aloqa qilish ko‘proq yoqadi

AQShning Oregon shtati universiteti olimlari mushuklar biz o‘ylaganimiz kabi xudbin emasliklarini aniqladi. Ularga ovqatdan ko‘ra insonlar bilan aloqa qilish ko‘proq yoqadi. Bu haqida Meduza xabar qildi.

Izlanish mualliflari tajriba uchun 50 ta — xonaki hamda hayvonlar boshpanasida yashovchi mushuklarni foydalanishdi. Hayvonlar bir necha soatga ovqat, o‘yinchoq, hid hamda odamlar bilan muloqotdan uzib qo‘yildi. Shundan so‘ng olimlar mushuklarga yuqoridagi to‘rtta omilni taqdim qildi va ular qaysi birini tanlashini kuzata boshlashdi.

Izlanish natijasi shuni ko‘rsatdiki, tajribadagi 50 foiz mushuk boshqa omillardan ko‘ra odam bilan muloqotni ma’qul ko‘rgan. Mushuklar izolyatsiyadan so‘ng, ikkinchi navbatda ovqatni tanlagan.