Luis Suares “Barselona” tarixidagi eng yaxshi to‘purarlar reytingida yuqoriga ko‘tarildi

“Barselona” hujumchisi Luis Suares La Liga 9-turidan o‘rin olgan “Eybar”ga (3:0) qarshi bahsda o‘z hisobiga bitta gol yozib qo‘ydi.

Bu 32 yoshli hujumchining joriy mavsum La Ligada yettinchi o‘yindagi beshinchi goli bo‘ldi.

Umumiy hisobda esa Suaresning “Barselona” safida urgan gollari 184 taga yetdi. Natijada Luis klub tarixidagi eng yaxshi to‘purarlar ro‘yxatida kuchli to‘rtlikdan o‘rin oldi. To‘rtinchi o‘rindagi Jozep Samityer hisobida ham 184 ta gol bor.

Oldinda esa Ladislao Kubala (194), Sesar Rodriges (232) va Lionel Messi (605) bor.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!