Uzbekistan Airways Saudiya Arabistoniga qo‘shimcha aviareyslar qatnovini joriy qildi

Uzbekistan Airways kompaniyasi ziyoratchilar uchun qulay sharoitlar yaratish maqsadida, Toshkent – Jidda – Toshkent yo‘nalishi bo‘yicha 2020-yilning 2-fevral kunidan boshlab ikkita qo‘shimcha qatnov joriy qilinayotganini ma’lum qildi.

Qatnovlar haftada 2 marta, payshanba va yakshanba kunlari amalga oshiriladi, chiptalar viza bo‘lsagina sotiladi, deyiladi xabarda.

Avval Eron – O‘zbekiston yo‘nalishida “Tehron—Toshkent—Tehron” muntazam aviareys amalga oshirilishi, shuningdek, Toshkent va Xitoyning Chendu shahri o‘rtasida 28-dekabrdan boshlab charter aviaqatnovlar yo‘lga qo‘yilgani hamda Xanchjou, Shenchjendan ham reyslar amalga oshirilishi xabar qilingandi.