Sharof Muqimov: Shu kungacha 8 marta kuyov bo‘lganman

Xonanda Sharof Muqimov aktrisa Sitora Alimjonovaga uylangani haqidagi savollarga ochiq-oydin javob berdi, deb yozadi “Darakchi.uz”.

Muxlislarimizdan ko‘p savollar yog‘ilmoqda. “Siz Sitora Alimjonova bilan turmush qurdingizmi?” qabilidagi savollar kelmoqda. To‘g‘ri, hayotim davomida 8 marotaba kuyovlik liboslarida kelin yonida menga kuyov bo‘lib turishlik nasib etgan. Shulardan 7 tasi ijodiy, ya’ni kino va kliplarda, ko‘rsatuv loyihalarida kuyov obrazi menga berilgan. Lekin hayotim davomida chindan bir marotaba real kuyov bo‘lganman.

Sharof Muqimov, xonanda

Avvalroq xonanda Sharof Muqimov va aktrisa Sitora Alimjonovalarning kelin-kuyov obrazidagi suratlari tarqalganidan so‘ng, internet foydalanuvchilari o‘rtasida turli mish-mishlar tarqalgan edi.

Sharof Muqimov mazkur suratlar saytlardan birining loyihasi uchun olinganligini ham aytib o‘tdi. Sitora Alimjonova esa ushbu suratlarga izoh berganida, telefoniga haqoratli SMSlar kelayotganini ma’lum qilgandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!