Niderlandiya terma jamoasi bosh murabbiyi Ronald Kuman shifoxonaga tushib qoldi

Futbol bo‘yicha Niderlandiya terma jamoasi bosh murabbiyi Ronald Kuman shifoxonaga tushib qoldi.

57 yoshli mutaxassis yuragidagi muammo sabab kasalxonaga olib borilgan. Velosipeddagi sayrdan keyin u o‘zini yomon his qilgan va tez yordam mashinasida shifoxonaga olib ketilgan.

Kumanda yurak kateterizatsiyasi o‘tkazilgan (arteriya yoki vena orqali yurak kamerasiga kateter joylashtirish muolajasi). Ta’kidlanishicha, mutaxassisga bir kundan so‘ng javob beriladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!