Bayrutdagi hukumatga qarshi namoyishlar (foto)

Livan poytaxtidagi hukumatga qarshi namoyishlarda 5000 nafar ishtirokchi orasidan hozirgacha 728 nafar odam jarohatlangani, bir nafar politsiya zobiti halok bo‘lgani aytilmoqda. Namoyishchilar Bayrutdagi portlashdan so‘ng hukumatning iste’fosini talab qilmoqda. Ular tashqi ishlar, iqtisodiyot, energetika va atrof-muhit vazirliklarining binolarini ishg‘ol qilgan. Bosh vazir Hasan Diab mamlakatda parlamentga muddatidan oldin saylov o‘tkazish taklifini ochiqladi. Uning fikricha, 4-avgustda ro‘y bergan portlash aynan korrupsiya hosilasi va namoyishchilarning ayni talabi to‘la asosli.

O‘z navbatida AQSh hukumati livanlik namoyishchilarning tinch namoyish o‘tkazish huquqlarini qo‘llab-quvvatlashini, ammo ishtirokchilarni xunrezliklardan tiyilishga chaqirishini bildirdi.

Mavzuga doir: Bayrutda portdagi portlash aybdorlarini jazolash talabi bilan minglab odamlar ko‘chaga chiqdi. Namoyishchilar to‘rtta vazirlik binosini egallab oldi

Mavzuga doir: