Venesuela qamog‘idagi tartibsizliklar chog‘ida 13 mahbus halok bo‘ldi

Venesuelaning Valensiya shahridagi qamoqxonada ro‘y bergan tartibsizliklar chog‘ida 13 mahbus halok bo‘ldi, 12 nafari yaralandi. Bu haqda, Tiempo nashriga asoslanib, “RIA Novosti” xabar bermoqda.

Aytilishicha, ixtilof turli shaharlarga mansub ikki mahbuslar guruhi orasida qamoqxonani nazorat qilish masalasidagi bahs natijasida alangalanib ketgan.

Tartibsizliklar 25-apreldan 26-aprelga o‘tar kechasi boshlanib, ertalabki soatlarga qadar davom etgan. Ayni paytda muassasadagi vaziyat iziga tushgan, bino milliy gvardiya nazorati ostida. Yaqin orada voqea joyiga bosh prokuratura vakillari kelib, fojia shart-sharoitlarini o‘rgana boshlaydi.