Habib Nurmagomedov qanday shartlar asosida Toni Fergyuson bilan jang qilishga rozi bo‘lishini aytdi

Yengil vazn toifasida UFC chempioni Habib Nurmagomedov qanday shartlar asosida Toni Fergyuson bilan jang qilishga rozi bo‘lishini aytdi.

Agar Fergyuson qaytsa va top-darajadagi jangchini mag‘lub etsa, men u bilan jang qilishga tayyorman. Getji bilan jangidan keyin menda unga nisbatan qiziqish yo‘qolgan.

Habib Nurmagomedov, UFC jangchisi

Qayd etish joiz, Nurmagomedov va Fergyuson o‘rtasidagi jang 9-may kuni bo‘lib o‘tishi kerak edi, ammo koronavirus pandemiyasi tufayli Habib Rossiyadan chiqa olmadi va uning o‘rnini Jastin Getji egalladi.

Eslatib o‘tamiz, Habib va Getji o‘rtasidagi jang 24-oktabr kuni Abu-Dabidagi “Jangchilar oroli”da bo‘lib o‘tadi.

Mavzuga doir:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!