Niderlandiya terma jamoasiga yangi bosh murabbiy tayinlandi

“Inter”, “Ayaks” va “Kristal Pelas” klublari sobiq bosh murabbiyi Frank de Bur Niderlandiya terma jamoasi boshqaruviga tayinlandi.

50 yoshli mutaxassis Niderlandiya futbol ittifoqi bilan ikki yillik shartnoma imzoladi.

Mutaxassis terma jamoadagi ishini darhol boshlaydi. Uni Meksikaga qarshi o‘rtoqlik uchrashuvi, shuningdek, Millatlar Ligasi doirasidagi Bosniya va Gersegovina hamda Italiya terma jamoalariga qarshi o‘yinlar kutib turibdi.

Eslatib o‘tamiz, Niderlandiyaning bundan avvalgi ustozi Ronald Kuman “Barselona” bosh murabbiyiga aylangandi.

De Burning so‘nggi ish joyi MLS vakili “Atalanta Yunayted”da bo‘lgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!