Samarqandda otasi bilan janjallashgan o‘g‘il unga pichoq urdi

Jinoyat ishlari bo‘yicha Samarqand tuman sudi Chorshanbe mahallasida sayyor sud majlisi o‘tkazdi. Bu haqda “Daryo”ga sud mutasaddilari ma’lum qildi.

Unda Asqar Mahmudovga (ism-shariflar shartli) oid jinoyat ishi mazmunan ko‘rib chiqildi.

A.Mahmudov o‘z uyida otasi bilan kelishmovchilik tufayli janjallashib qoladi. O‘zini idora qilolmay qolgan o‘g‘il otasiga bir necha marotaba pichoq urib, hayot uchun xavfli tan jarohatlari yetkazadi.

Otasining da’vosi yo‘qligi va sud majlisida qatnashgan aholining fikrlarini inobatga olib, A.Mahmudovga nisbatan 3 yil ozodlikdan mahrum qilish jazosi tayinlandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!