O‘zbekistonlik nokautchi bokschi Shohjahon Ergashev o‘ninchi jangini 13-mayda o‘tkazadi

Professional boksda 9 ta jang o‘tkazib, 9 ta nokautli g‘alabani qo‘lga kiritgan Shohjahon Ergashev 13-may kuni ringga chiqadi. Bu haqda “Olamsport” nashri xabar berdi.

Avvalroq Ergashevning amerikalik bokschiga qarshi jangi 30-aprelda o‘tishi ma’lum qilingandi. Biroq bu jang noma’lum sabablarga qadar mayning o‘rtasiga qoldirilgan.

Ayni vaqtda o‘zbekistonlik charm qo‘lqop ustasi Toshkent viloyatining Yangiobod o‘quv-mashg‘ulot bazasida bo‘lajak jangga tayyorgarlik ko‘rmoqda. To‘qnashuv Rossiyaning Sochi shahrida o‘tadi va u boks kechasining asosiy jangi maqomida bo‘ladi.

“Daryo” yangiliklarini Facebook’da kuzatib boring