Samarqandga Tinchlik ustuni tuhfa qilindi

Samarqandda “Inson — qimmatli, xotira — muqaddas” nomli tadbir bo‘lib o‘tdi, deb xabar bermoqda UzNews.

Tadbirda urush va mehnat faxriylari, adabiyot va san’at arboblari, ijodkor yoshlar bilan bir qatorda yaponiyalik sayyohlar ham ishtirok etdi.

Uchrashuv ishtirokchilariga Amir Temur nomidagi “Esperanto” aholi madaniyat va istirohat markazi faollari tomonidan yaratilgan “Xirosima—Nagasaki: xotira va umid sadosi” hujjatli filmidan lavhalar namoyish etildi.

Tadbirda yaponiyalik sayyohlar Xotira va qadrlash kuni munosabati bilan Samarqand aholisiga “Dunyoda Tinchlik Bo‘lsin!” yozuvi bitilgan Tinchlik ustunini sovg‘a qildi. Yozuv o‘zbek, yapon va boshqa tillarda bitilgan.

“Daryo” yangiliklarini Facebook’da kuzatib boring