O‘zbekiston milliy terma jamoasi 6-iyun kuni Toshkentda Tailand bilan o‘ynaydi

Futbol bo‘yicha O‘zbekiston va Tailand terma jamoalari 6-iyun kuni Toshkentdagi o‘rtoqlik o‘yinida maydonga tushadi. Bu haqda O‘FF matbuot xizmati xabar berdi.

Uchrashuvning qaysi stadionda o‘tishiga oydinlik kiritilmagan. Avvalroq Tailand o‘zbekistonliklarni Bangkokda ko‘rishni istagani uchun tomonlar o‘zaro kelisha olmagandi.

Ma’lumot uchun, JCh—2018 saralash bosqichida O‘zbekiston 12 ochko bilan uchinchi o‘rinda bormoqda. “B” guruhidagi Tailand esa 7 o‘yindan keyin 1 ochko bilan so‘nggi — 6-pog‘onani band qilib turibdi.

Tailandga qarshi bellashuv 12-iyun kuni Tehronda bo‘lib o‘tadigan Eron milliy terma jamoasiga qarshi o‘yin oldidan tayyorgarlik vazifasini o‘tab beradi. Tailand esa 13-iyun kuni o‘z maydonida BAAni qabul qiladi.

Avvalroq O‘zbekiston termasining bo‘lajak raqibi Eron 4-iyun kuni Chernogoriyaga qarshi bahs olib borishi ma’lum qilingandi.

“Daryo”ning YouTube’dagi rasmiy sahifasiga obuna bo‘ling