Ertalabki bosh og‘rig‘ining sabablari

Boshning ertalabdan og‘rishi butun kuningizning noxush o‘tishiga sabab bo‘ladi. Bosh og‘rig‘ining sabablari har xil bo‘lishi mumkin — bir kun oldin ichilgan spirtli ichimlikdan tortib jiddiy kasalliklargacha, — shuning uchun bu holatni e’tiborsiz qoldirmaslik lozim.

Organizm to‘g‘ri faoliyat ko‘rsatishi uchun 7—8 soat uyqu talab qilinadi. Agar kam uxlasangiz — organizm nimadir sodir bo‘ldi deb hisoblaydi va yopirilib ishlash tartibiga o‘tadi.

Uyquning me’yoriy holatiga qaytishi ertasi kuni ertalab sizni bosh og‘rig‘idan xalos qiladi.

“Tungi uyquning 9 soatdan oshishi serotonin miqdorining pasayishiga olib keladi, — deb tushuntiradi  doktor Napoli. — Serotoninning past miqdori miyaga qon oqishini pasaytiradi va bosh og‘rig‘ini keltirib chiqaradi”.

Organizm ertalab endorfinlar — baxt gormonlarini kam ishlab chiqaradi. Ba’zi odamlarda bu migren paydo bo‘lishiga sabab bo‘ladi.

Endorfinlarning past miqdori boshqa neyromediatorlar, masalan serotonin miqdorini pasaytirishi mumkin. Uning kamayishi tomirlarning torayishiga olib keladi, bu esa o‘z navbatida miyaga yetarlicha qon yetib borishiga to‘sqinlik qiladi va bosh og‘rishiga sabab bo‘ladi.

Agar siz qattiq xurrak otsangiz, bu uyqudagi apnoe holatidan darak beradi. Xurrak bo‘g‘ilish, nafas siqilishi va hatto tunda uxlab yotganingizda nafas olishning vaqtincha to‘xtashiga ham sabab bo‘lishi mumkin.

Depressiya holatida bosh og‘rig‘i kunning har qanday vaqtida yuz berishi mumkin. Bu serotoninning past miqdori bilan bog‘langan.

“Agar sizda qon bosimi — 140/90 mm simob ustuniga teng yoki undan ham balandroq bo‘lsa, — sizning qoningiz boshdagi bosimni oshirib yuboradi, — deb tushuntiradi doktor Xorsandi. — Yuqori qon bosimi — bosh og‘riqlarining tipik sababi hisoblanadi”.

Manba: “Zdorovie.com”

“Daryo”ning YouTube’dagi rasmiy sahifasiga obuna bo‘ling