Kolumbiyadagi shaxtada yuz bergan portlash oqibatida olti kishi halok bo‘ldi

Kolumbiyadagi shaxtada yuz bergan portlash oqibatida olti kishi halok bo‘ldi, bir kishi jabrlandi. Bu haqda “RBK” xabar bermoqda.

El Tiempo nashrining xabar berishicha, baxtsiz hodisa 28-iyul kuni oqshomda mamlakat g‘arbidagi Buritika munitsipalitetida yuz bergan.

Kolumbiya milliy o‘t o‘chirish xizmati ma’lumotlariga ko‘ra, Los-Moros shaharchasi yaqinidagi Mina shaxtasida hozirgi vaqtda yana besh kishi qamalib qolgan.

Voqea joyiga qutqaruvchilar va boshqa shoshilinch xizmatlar yetib borgani aytilmoqda.

“Daryo”ning YouTube’dagi rasmiy sahifasiga obuna bo‘ling