Norinda Namangan jurnalistlarining amaliy seminari bo‘lib o‘tdi

Norin tumanida Namangan viloyati jurnalistlarining amaliy seminari bo‘lib o‘tdi. Bu haqda “Daryo” muxbiri xabar berdi.

Seminar uchun aynan ushbu tuman tanlanishi bejiz emas. Tuman hokimligi nashri — “Norin ovozi” gazetasi 5 mingga yaqin nusxada, 4 bo‘yoqda chop etiladi. Rahima Rasulova boshchilik qilayotgan tahririyat iqtisodiy jihatdan ham baquvvat, o‘zining Nexia xizmat avtomobiliga ega.

Tadbirga tashrif buyurgan jurnalistlar mazkur gazeta va uning muharriri ish tajribasini o‘rgandi. So‘ng navbat muhokama va munozaralarga keldi. Davlat rahbarining Namanganga tashrifidan so‘ng viloyatda kechayotgan o‘zgarishlar, ularda jurnalistlarning o‘rni seminarning asosiy mavzusiga aylandi.

Seminar yakunida bir guruh jurnalistlarga Norin tuman hokimligining tashakkurnomalari va esdalik sovg‘alari topshirildi.

“Daryo”ning YouTube’dagi rasmiy sahifasiga obuna bo‘ling