Hasan Ruhoniy Eron prezidenti sifatida qasamyod qildi

Ikkinchi muddatga Eron prezidenti etib saylangan Hasan Ruhoniy inauguratsiya marosimi davomida qasamyod qildi. Bu haqda “Gazeta.ru” xabar bermoqda.

Inauguratsiya marosimi Tehrondagi mamlakat parlamenti binosida bo‘lib o‘tgan.

Tadbirda jahonning 100 dan ziyod mamlakatlari vakillari ishtirok etgan. O‘zbekistondan Senat raisi Nig‘matulla Yo‘ldoshev rahbarligidagi delegatsiya qatnashgan.

Qasamyoddan so‘ng, Ruhoniy nutq bilan chiqish qilib, xorijiy mehmonlarga minnatdorchilik bildirdi hamda uning hukumati mamlakat manfaatlarini himoya qilishga tayyor ekanligini ma’lum qildi.

“Daryo” yangiliklarini Facebook’da kuzatib boring