O‘zbekiston fuqaroliklar reytingida 116-o‘rinni egalladi

O‘zbekiston 2016-yilgi fuqaroliklar reytingida 116-o‘rinni egalladi. Reyting Shveysariyaning Henley & Partners kompaniyasi tomonidan tuzilgan, deb xabar beradi Uz24.

Bir yil muqaddam O‘zbekiston 111-o‘rinni egallagan edi.

Reytingni tuzishda iqtisodiyot miqyosi, inson salohiyati rivoji darajasi, jamoat tartibi va barqarorlik, vizasiz sayohat, vizasiz yashash va ishlash imkoniyatlari va boshqa omillar inobatga olinadi. O‘zbekiston barcha ko‘rsatkichlar bo‘yicha umumiy 26,8 foiz natija ko‘rsatdi. 2015-yilda bu ko‘rsatkich 25,4 foizga teng bo‘lgan edi.

Reyting yetakchisi Germaniya 82,7 foizlik natija ko‘rsatdi. Ikkinchi o‘rinni Fransiya (82,4 foiz) va Daniya (82,3 foiz) bo‘lishib oldi.

“Daryo” yangiliklarini “Odnoklassniki”da kuzatib boring