O‘zbekiston sudyalar oliy kengashi sudyalik lavozimida ishlash istagidagi fuqarolarga murojaat etdi

O‘zbekiston Respublikasi sudyalar oliy kengashi sudyalik lavozimiga nomzodlik zahirasiga kiritilish tartibi to‘g‘risida ma’lumot berdi.

“Sudyalik lavozimiga nomzodlik zahirasiga sudyalik lavozimlari uchun zarur bilimga ega bo‘lgan, yetarli hayotiy tajribaga va benuqson obro‘-e’tiborga ega yuqori malakali yuristlar orasidan o‘ttiz yoshdan kichik bo‘lmagan, oliy yuridik ma’lumotga, yuridik ixtisos bo‘yicha kamida besh yillik ish stajiga ega bo‘lgan O‘zbekiston Respublikasi fuqarolari kiritilishi mumkin”, — deyiladi ma’lumotda.

Sudyalik lavozimiga nomzodlik zahirasiga kiritilishi istagini bildirgan O‘zbekiston Respublikasi fuqarolari O‘zbekiston Respublikasi Sudyalar oliy kengashiga ariza bilan murojaat qiladi.

Sudyalik lavozimiga nomzodlik zahirasiga kiritilishi qonunda belgilangan talab va tartib asosida amalga oshiriladi.

“Daryo”ning YouTube’dagi rasmiy sahifasiga obuna bo‘ling