O‘zbekiston va Qirg‘iziston davlat chegaralarining yangi uchastkalari belgilandi

2017-yilning 21—27-sentabr kunlari Qirg‘izistonning Botken shahrida O‘zbekiston—Qirg‘iziston davlat chegarasini delimitatsiya va demarkatsiya qilish masalalari bo‘yicha O‘zbekiston Respublikasi va Qirg‘iziston Respublikasi hukumatlari delegatsiyalari ishchi guruhlarining navbatdagi uchrashuvi bo‘lib o‘tdi. Bu haqda O‘zbekiston TIV axborot xizmati xabar berdi.

Uchrashuvda O‘zbekiston Prezidenti Shavkat Mirziyoyevning joriy yilning 5—6-sentabridagi Qirg‘izistonga davlat tashrifi davomida tuzilgan O‘zbekiston—Qirg‘iziston davlat chegarasini delimitatsiya qilish bo‘yicha shartnomada keltirilmagan chegaradagi boshqa uchastkalarni belgilash davom ettirildi.

An’anaviy do‘stlik va konstruktiv ruhda bo‘lib o‘tgan muzokaralar yakuniga ko‘ra Bayonnoma imzolandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!