Kaliforniyadagi o‘rmon yong‘inlari qurbonlari soni 31 nafarga yetdi

AQShning Kaliforniya shtati shimolida kuzatilayotgan o‘rmon yong‘inlari oqibatida kamida 31 kishi halok bo‘ldi, 900 kishi esa bedarak yo‘qoldi. Bu haqda “RBK” xabar bermoqda.

Hozirga qadar Amerika tarixida Kaliforniyadagi yong‘inlarda bu qadar ko‘p inson halok bo‘lmagan.

Ma’lumotlarga ko‘ra, ayrimlar yong‘in boshlangan paytda uxlayotgan bo‘lgan va uyi qanday yona boshlaganini sezmay qolgan.

Ayrimlar esa uyi deyarli yonib bo‘lganidagina uni tark eta boshlagan. Bundan tashqari, kuchli shamol oqibatida mobil aloqa tarmoqlari ham ishdan chiqqan, shu sababli aholini tabiiy ofatdan ogohlantirishning iloji bo‘lmagan.

Mavzuga doir: Kaliforniyadagi o‘rmon yong‘inlari (foto)

“Daryo”ning Telegram’dagi rasmiy kanali — @toshqindaryo’ga a’zo bo‘ling!