Rossiya mudofaa vaziri Suriyadagi operatsiyaning oxiri yaqinlashib qolganini ma’lum qildi

Rossiya mudofaa vaziri Sergey Shoygu Suriyadagi harbiy operatsiya oxiriga kelib qolganini ma’lum qildi. Bu haqda Meduza xabar bermoqda.

Shoygu ushbu bayonotni Isroil mudofaa vaziri Avigdor Liberman bilan Tel-Avivda o‘tkazgan uchrashuvida berdi.

U “darhol hal qilinishi lozim bo‘lgan bir qancha jihatlar bor”ligini ta’kidladi.

“Harbiy va harbiy-texnik hamkorlik masalalaridan tashqari, albatta, terrorchilikka qarshi kurash va mintaqadagi vaziyat bilan bog‘liq masala asosiy hisoblanadi”, — dedi vazir.

“Daryo” yangiliklarini Facebook’da kuzatib boring