Toshkent viloyatida qahvaxonada kelib chiqqan janjalda qiz yigitga pichoq bilan tan jarohati yetkazdi

Toshkent viloyati Quyichirchiq tumanidagi qahvaxonalardan birida kelib chiqqan janjal pichoqbozlik bilan tugadi. Bu haqda viloyat IIB ma’lum qildi.

Xabarnomada aytilishicha, Quyichirchiq tumanida yashovchi 1996-yilda tug‘ilgan Nigina Alixonova ish joyida — qahvaxonada 1987-yilda tug‘ilgan Xurshid Latipovning qorin qismiga oshxona pichog‘i bilan urib, unga tan jarohati yetkazgan.

Oqibatda jabrlanuvchi og‘ir tan jarohati olib, shifoxonaga yotqizilgan.

Holat yuzasidan Nigina Alixonovaga nisbatan JKning 104-moddasi 1-qismi (qasddan badanga og‘ir shikast yetkazish) bilan jinoyat ishi qo‘zg‘atildi. Tergovni IIB olib bormoqda.