Saudiya Arabistoni energetika, sanoat va mineral resurslar vaziri O‘zbekistonga tashrif buyuradi

3-noyabr kuni O‘zbekistonga Saudiya Arabistonining energetika, sanoat va mineral resurslar vaziri Xolid al-Falih amaliy tashrif bilan keladi. Bu haqda TIV matbuot xizmati xabar berdi.

Tashrif dasturiga ko‘ra Toshkent shahrida o‘tkaziladigan MDH elektr energetika kengashining navbatdagi 51-yig‘ilishida ishtirok etish hamda “O‘zbekenergo” AJ va “O‘zbekneftegaz” milliy xolding kompaniyasi rahbariyatlari bilan ikki tomonlama uchrashuv va muzokaralar o‘tkazish ko‘zda tutilgan.