Xitoyda sirk yo‘lbarsi tomoshabinlarga hujum qildi

Xitoy shimolida joylashgan Shansi provinsiyasida ko‘cha tomoshasi paytida sirk yo‘lbarsi tomoshabinlarga hujum qildi, deb xabar beradi “Kazinform”.

Ko‘chada bo‘layotgan tomosha paytida yo‘lbars qafasidan chiqib, ikki kishini jarohatladi.

Guvohlarning so‘zlariga ko‘ra, yo‘lbars katta kishi va bolaga jarohat yetkazgan. Bir muddatdan so‘ng sirk ishchilari jonivorni qafasga qaytargan. Nima yo‘lbarsni darg‘azab qilgani mavhumligicha qolmoqda.