Kutilmaganda suvdan sakrab chiqqan timsoh sayyohga tashlandi (video)

Avstraliya plyajida sayr qilayotgan Buyuk britaniyalik sayyoh qizni timsoh tishlab oldi. Sudralib yuruvchining kutilmagan hujumi aks etgan rolikni jabrlangan qiz Elli Ballifent Facebook’dagi sahifasiga joyladi.

The Sun portalining ma’lum qilishicha, mahalliy vaqt bilan 18:00 atrofida sayyoh qiz Cape Tribulation plyajida bichok balig‘ni tasvirga olayotgan edi. Kutilmaganda qayerdandir bir yarim metrlik qirrali timsoh paydo bo‘ldi.

U dastlab baliqni yedi, keyin Ellini sonidan tishlab oldi. Sayyoh shifoxonaga yetkazildi, ertasi kuni unga javob berishdi.