AQSh josus samolyotlari Kaliningrad va Qrim chegaralari yaqinida parvoz qildi

AQSh harbiy-havo kuchlari RC-135W strategik razvedka samolyoti Rossiyaning Kaliningrad viloyati chegaralari yaqinida ko‘p soatli parvozni amalga oshirdi. G‘arb aviatsiya resurslari monitoringi natijalari shundan dalolat bermoqda, deya xabar beradi “Interfaks”.

Buyuk Britaniyaning Mildenxoll aviabazasidan parvoz qilgan samolyot uch soat davomida Polsha havo hududida, viloyat chegaralari yaqinida aylangan. Havo kemasining umumiy hisobda 7 soat davom etgan parvozi yo‘nalishi Niderlandiya, Germaniya, Polsha va Baltikadan o‘tdi.

Shuningdek, 7-dekabr, payshanba kuni AQShning P-8A Poseidon patrul samolyoti ham Qrim yaqinida navbatdagi razvedka parvozini amalga oshirgani bildirilmoqda.