Monreal ko‘chalarining ostidan muzlik davriga oid g‘orlar topildi (foto)

Yaqinda kanadalik tadqiqotchilar Monrealda kutilmagan kashfiyotni amalga oshirdi: shahar ostidan g‘orlar topildi. Ishonish qanchalik qiyin bo‘lmasin yer osti tunnellari avtomobillar va odamlar qatnaytigan ko‘chalardan atiga bir necha o‘n metr chuqurlikda bo‘lgan, deb xabar berdi TravelAsk.

G‘orlar mutlaqo tasodifan kashf qilingan: Daniel Karon va Lyuk Le Blan ilgari ma’lum bo‘lgan g‘orning qadimgi devorlarini buzishni rejalashtirgan. Ular bolg‘alar yordamida buzilgan devor ortida ancha katta tunnellar tarmog‘iga duch kelgan. U yerga hali hech bir odamning qadami yetmagan.

G‘orning uzunligi 200 metr, eni esa bir metrlar atrofida. Hatto uning ichida chuqurligi 5 metr keladigan ko‘l ham mavjud. Shu sababli tadqiqotchilar u yerni o‘rganishda havo bilan shishirilgan kanoeda harakatlanishga majbur bo‘lmoqda.