Toshkentda Dubaydan BMW olib kelib berishni va’da qilib, 32 ming dollarni o‘zlashtirgan firibgar hibsga olindi

Toshkentda 22 yoshli yigit 32 ming dollarni o‘zlashtirganlikda ayblanib hibsga olindi. Bu haqda UzNews xabar bermoqda.

Shayxontohur tuman IIBga ko‘ra, 1994-yili tug‘ilgan yigit boshqa bir fuqaro, 1993-yili tug‘ilgan yigitning ishonchiga kirib, unga BAAdan, aynan Dubaydan BMW rusumli avtomobil olib kelib berishni va’da qilgan. U avans tariqasida 32 ming dollar olgan, ammo bu pulni o‘z ehtiyojlariga sarflab yuborgan.

Holat yuzasidan JKning 168-4 moddasi “a” bandi bo‘yicha (firibgarlik) jinoiy ish qo‘zg‘atildi.