Belgiya portida banan joylangan qutilardan 7 tonnaga yaqin kokain topildi

Belgiya bojxona xizmati xodimlari Antverpen portida yetti tonnaga yaqin kokainni musodara qildi. Kokain banan joylangan qutilarga yashirilgan. Bu haqda Brussels Times nashri xabar bermoqda, deb yozadi “RIA Novosti”.

Nashrning ta’kidlashicha, belgiyalik bojxonachilar kokainni o‘tgan dam olish kunlarida aniqlagan. Tovar yetkazishning oxirgi punkti Niderlandiya bo‘lishi kerakligi taxmin qilinmoqda.

Hozirda yuk qayerdan kelayotganligi va qayerga yetkazilishi lozimligini aniqlash uchun surishtiruv olib borilmoqda.