KXDR Janubiy Koreyaning kelasi hafta muzokaralar o‘tkazish taklifini qabul qildi

Janubiy Koreya va KXDR kelasi hafta shimoliy koreyalik sportchilarning Pxyonchxandagi qishki Olimpiya o‘yinlaridagi ehtimoliy ishtirokini, shuningdek, munosabatlarni yaxshilash yo‘llarini muhokama qilish uchun yuqori darajada muzokaralar o‘tkazishga kelishib oldi, deb yozadi “Interfaks” Janubiy Koreyaning “Ryonxap” agentligiga tayanib.

Shimoliy Koreya Seulga kelasi seshanba kuni muzokaralar o‘tkazish taklifini qabul qilgani haqida xabar bergan. Bu haqda Janubiy Koreya birlashuv vazirligida ma’lum qilishgan.

“Ikkala tomon ham ishchi darajasidagi masalalarni hujjatlar ayirboshlash yo‘li bilan muhokama qilishga qaror qildi”, — dedi vazirlik vakili.

Uning so‘zlariga ko‘ra, kun tartibining asosiy punktlari ikki tomonlama aloqani yaxshilash, shuningdek, Olimpiadaga tayyorlanish masalalari bo‘ladi.