Olmazorda marixuana olib ketayotgan shaxs qo‘lga olindi

Toshkent shahar IIBB xodimlari tomonidan o‘tkazilgan tadbir davomida Olmazor tumanida 1975-yilda tug‘ilgan Ravshan Inog‘omov to‘xtatib tekshirilganda uning yonidan og‘irligi 2,34 gramm marixuana topildi. Bu haqda IIBB matbuot xizmati xabar berdi.

Holat yuzasidan Olmazor tumani IIB huzuridagi tergov bo‘limi tomonidan JKning 276-moddasi 1-qismi (giyohvandlik vositalarini o‘tkazish maqsadini ko‘zlamay, qonunga xilof ravishda saqlash) alomatlari bilan jinoyat ishi qo‘zg‘atildi.

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.