Video: Gannover aeroportida turklar va kurdlar mushtlashdi

Germaniyaning Gannover shahri Langenxagen aeroportida turklar va kurdlar o‘rtasida mushtlashuv ro‘y berdi. Bu haqda “Kommersant” xabar bermoqda.

Uchib ketish terminalida kurdlarga xayrixoh guruh Turkiyaning Suriyadagi “Zaytun butog‘i” operatsiyasiga qarshi miting o‘tkazayotgan edi. Miting ishtirokchilari turk yo‘lovchilari bilan mushtlashib ketdi. Buning oqibatida ikki kishi yengil jarohat oldi.

Mushtlashuv ishtirokchilarini ajratish uchun politsya qalampirli gazdan foydalandi. Mushtlashuvda jami 180 ga yaqin odam ishtirok etdi.

To‘polon aks etgan video YouTube’ga joylashtirildi.