Yunusoboddagi yong‘in uch xonadonni qamrab oldi, Cobalt yonib ketdi

Toshkentning Yunusobod tumanida, “Anorzor” mahallasida 27-yanvar tongida yong‘in yuz berdi. Bu haqda, shahar IIBB Yong‘in xavfsizligi boshqarmasiga asoslanib, UzNews xabar bermoqda.

Yong‘in uchta hovlini qamrab olgan — yong‘in chiqqan uydan tashqari qo‘shni ikki xonadonning tomlari zarar ko‘rgan. Hodisa oqibatida 250 kvadrat metr maydon yongan.

Bundan tashqari, yong‘in sabab Cobalt rusumli avtomobil yonib ketgan, yong‘in chiqqan uyda yashagan 68 yoshli bir fuqaro kuyish tan jarohatini olgan.

“Ayni damda yong‘in sabablari o‘rganilmoqda”, — deyiladi xabarda.